مسيـــــــرة الاخـوان مشكلــــــــــــــة بـــلا عنـــــوان

االسلام عليكم بداية أحب ان ابدى اعجابى بفكرة الموقع وثانيا اسمحو لى ان اشارككم فى هذا الموضوع بسؤال بسيط وهو ما الضرر الذى يقع على العميد من مسيرة الاخوان؟ وارجو منكم الاجابة بكل منطقية وحياد وأحب ان تعرفوا انى من انصار العميد لكنى لا ارى ضررا في المسيرة خاصة انهم عمال ونحن فئات ولا ايه

[quote="عنتراوى"]االسلام عليكم بداية أحب ان ابدى اعجابى بفكرة الموقع وثانيا اسمحو لى ان اشارككم فى هذا الموضوع بسؤال بسيط وهو ما الضرر الذى يقع على العميد من مسيرة الاخوان؟ وارجو منكم الاجابة بكل منطقية وحياد وأحب ان تعرفوا انى من انصار العميد لكنى لا ارى ضررا في المسيرة خاصة انهم عمال ونحن فئات ولا ايه

مين قالك يا ابو كريم ان البلد مش طايقه الاخوان
البلد كلها بتحترم الاخوان احترام مالوش مثيل
وانصار جمال بيحاولو يخدرو البلد ويشوهو صوره
الاخوان امام البلد ليه انا مش عارف
مع ان الاخوان تنازلو كتير عشانهم
لكن انتو بتنكرو الجميل
والمشكله انهم كانو قبل اللى حصل بيوم واحد
يعنى اول يوم العيد كانو بيشكرو فى الاخوان
وبيقولو هما عملو جميل مش هننساهلهم
وكانو بيقولو فيهم شعر
ومرة واحد اتقلب الكلام للعكس
بتعليمات من العميد اللى برضه واخد تعليمات من امن الدوله
(ويمكرون ويمكر الله والله خير الماكرين)شوفتو حصلكو ايه فى طلخا
ربنا بيجيب لكل واحد حقه
واديكو وقعتو فى بعض انتو وجماعه مسعد
ولسه الجاى كتير
وبعد الانتخابات انا متأكد اننا هنسمع كلام كبير اوى
سواءالعميد نجح او مانجحش
والايام ما بينا
ربنا يهديكو
بالنسبه للاخ احمد على
يا احمد ايه علاقه الفئات بالعمال
دى هتضركو فى ايه يابنى
فيها ايه لما المسيره تطلع من ميت عنتر
ياعم اتكلم بالعقل شويه

يا اخ ابو كريم انا ماقولتش انهم مش محترمين
انما فيهم اقليه مش محترمين
ودول للاسف هما اللى يعتبرو القواد والدراع اليمين بتاع العميد
مع ان فى ناس تانيه اصلح منهم للمكان ده
منهم الاخى صاحب حركه الدبح الشهيره
بدون ذكر اسماء
والاخ اللى كل يوم الاقيه باعتلى تهديدات
وكل اللى عاملين نفسهم رؤسه فى المقر
انا والله العظيم لغايه قبل اللى حصل كنت هحط صوتى للعميد
لكن بعد اللى حصل هيبقى العكس انا هشتغل على صئوته
وانشاء الله مش هينجح
لانه حقيقى مايستحقش الشرف ده
وخلى بالك انت صوتك امانه يابو كريم
يعنى هتتحاسب عليه يوم القيامه
هتديله لواحد عايز يبقى تبع الحكومه الظالمه الفاسده
اللى مبهدلنا ومطلع عينا
بذمتك حال البلد عجبك
تفتكر هو لو نجح هيقف ضدهم
بالعكس ده هيساعده واذا ماساعدهمش هيسكت
ومش هيقد يقف ضدهم لانهم هيكونو لاوين دراعه
فكر تانى يابو كريم

عملتو ايه بال88 عضو اللى دخلتو بيهم مجلس الشعب

عملنا كتيييييييييييييييييييييييييير
وكل الناس عارفه كدا كويس

دة معنتى اية
اومال عملتو اية

يعنى ايه عملتوا ايه
مش فاهم

يا أهل ميت عنتر الكرام
الواجب علينا في الوقت ده ان احنا نقف كلنا جنب بعض ونلتفت لحاجة واحدة بس (نجاح العميد جمال بإذن الله)وازاي ده يحصل إن شاء الله. مش نقعد نكلم في كلام ملوش لزمة والاخوان عملوا ايه وماعملوش ايه!!!!!!!!!! ياجماعة احنا كلنا اهل وقرايب ومن قرية واحدة.انتوااا هتعملوا كده زي احداث مطش مصر والجزائر والله!!!!!!!! ياااااااناس فكروا في مصلحة البلد.
مصلحة البلد اننا نقف جنب بعض
مافيش حاجة اسمها أنصار الاخوان , وأنصار العميد . المفروض كلنا نقف مع بعض ورا الراجل المحترم ده
احنا فعلا نشكر الاخوان علي عدم دخول واحد منهم فئات .بس بجانب كده اقفوا ورا العميد كمان مش يبقي كده وخلاص.

عندك حق يا محمد احنا فى وقت المفروض كلنا ورا العميد
وناجح وربنا يسهل ياذن الله
نورتو

كلام وجيه والله يا محمد يا ابني . الان في هذا الوقت العسير يجب علينا ان نوحد قوانا ونتحد لنكون خلف رجل واحد .هذا الرجل الذي اخترناه فليست مشكلة انه ليس من الاخوان المسلمين .اتمني ان يكون الاخوان بقدر الاسم الذي يحملونة ويكونوا جميعا خلف العميد وكفانا فرقة

انا شايف ان الاخوان احترمو العميد وتنازلو عشان خاطره
ومازالو بيحترمه بس هو غدر بينا ياأستاذ بهاء
اكيد حضرتك كنت موجود ساعة اللى حصل
الاخوان عملو ايه فيه عشان يعمل فيهم كد
دا بالعكس عملولو كتيييييير
يجى هو فى الاخر ويعمل كدا
طب لييييييييييييييه
نفسي افهم
وبلاش حجه انو مضغوط عليه من امن الدوله
ما مسعد لطفى وعلى رمانه اضغط عليهم انهم يوقفو
ضد مسيره الاخوان فى طلخا ورفضو
ليه هو وافق
المفروض حتى كان يرد الجميل ويرفض كلام الامن او ختى يبقى اد الاتفاق
لاننا اتفقنا ان مسيره الاخوان هتبدأ بعد العشاء
ونختم الساعه 8 ومسيره العميد تبدأ بعد كيد
ليه خلف الاتفاق
بذمتك كل دا مش حرام

بص يا حمادة متقولشي عشان خاطره لانكم عارفين انكم مش ناجحين في وجود العميد .وانا كنت موجود في المسيرة واللي حصل الناس هي اللي عملاه لانهم موفقوش علي مسيرتكم والعميد منعهم علي اد ميقدر بس هو انتم اللي مبتصدقم تلاقم حاجه تشبطوا فيها

وانت يا اخ احمد احنا كل منتكلم هتقولي اننا فاضيين!!!!!!!!!!!!
لا يا سيدي انا طالب ثانوية عامه يعني مش فاضي بس محبش حد يغلط في العميد

عموما يابهاء الايام جايه وكلها اسبوع هنشوف من اللى هينجح
ومين هيصئت
وساعتها هبقى ارد عليك يابيه

بهاء انا مش بقول عليك
نورت وربنامعاك فى الثانويه العامه

شكرا يا اخ احمد

ماشي خلاص كلها يومين يا حمادة بيه

ياهلا ياهلا ياهلا منور يابوب باشا.كلامك جميل ومفيد جدا.بس انا شايف انك تقوم تذاكر شوية فيزيا.قوم ياوله ذاكررررررررررررر

يا هلا بيك يا اخ محمد . كلامك كويس وعملته من غير متقول بس لازم العميد يعرف احنا اد ايه بنحبه

السلام عليكم ورحمة الله وبركاته

1 - يا استاذ ابو كريم مين اللى ضحك عليك و قالك ان الناس مش طايقين الاخوان انت مش من البلد ولا ايه؟

2-يعنى ايه العميد يكسب ثقة الحكومة لما يكسر شوكة الاخوان هو العميد وانصاره عايزين يعملو اى حاجة ترضى الحكومة ؟ (وهو العميد اصلا يقدر يكسر شوكة الاخوان يابنى اذا كانت الحكومة نفسا مش قادره يقى هو هيقدر)

ولما هو نازل عشان يرضى الحكومة الناس هتديله صوتها ليه(بالله عليك وبصدق ترد عليا وعلى اعضاء الموقع انت كفرد راضى عن اداء الحكومة ونواب الحزب الوطنى ؟) انا منتظر الرد وياريت لو كنت راضى تشرحلنا ايه اسباب الرضى ده

3-ايه المشكلة ان اكبر مسيرة للاخوان تطلع من البلد وبرده العميد يطلع اكبر مسيرة له من البلد دى تبقى حاجة كويسة للبلد وهى ان البلاد التانية فى الدائرة تعملنا الف حساب


4- والاخ اللى بيطالب الاخوان انهم يعطوا صوتهم للعميد هل انتى هتعطى صوتك للاخوان؟ ارجو الرد بامانة

5 -ليه اصلا يبقى فيه صدام من الاصل محنا قولنا ده فئات وده عمال